Жаңалықтар ГАК

Life-сақтандыру сегментінде клиенттерді қандай өзгерістер күтуде?

Қазақстанда сақтандыру және сақтандыру қызметі мәселелері бойынша кейбір заңнамалық актілерге енгізілген өзгерістер мен толықтырулар күшіне енді. Сақтандыру саласындағы заңнаманы жетілдіру, бірінші кезекте сақтандыру қызметін алу кезінде халықтың мүддесін қорғау, сақтандыру нарығын дамыту түзетулердің мақсаты болып табылады. Түзетулер сақтандыру омбудсмені қызметін кеңейтуге бағытталған. Құжатқа сәйкес, сақтандыру компаниясының клиенті сақтандырудың кез келген түрі бойынша төлем мөлшерімен келіспеген жағдайда көмекке сақтандыру омбудсменіне жүгіне алады. Бұдан басқа өмірді сақтандырудың әлеуметтік маңызды өнімдері бойынша сақтандыру төлемдеріне қосымша кепілдік енгізілген. Мысалы, сақтандыру төлемдері бойынша міндеттемелерге Сақтандыру төлемдеріне кепілдік беру қорымен зейнетақы аннуитеттері және еңбекке қабілеттілігін жоғалтқан жұмыскерлерге аннуитеттер бойынша кепілдіктер көзделген. Кепілдік сақтандыру компаниясын тарату мерзімі кезінде барлық міндеттемелерді басқа сақтандыру компанияларына бергенге дейін қолданыста болады. Тағы бір жаңалық, енді БЖЗҚ салымшылары сақтандыру ұйымымен зейнетақы аннуитеті шарттарын жасау немесе қолданыстағы зейнетақы аннуитеті шартына өзгерістерді енгізу кезінде сақтандыру сыйлықақысын төлеу үшін тек қана міндетті және ерікті зейнетақы жарналарын ғана емес, сондай-ақ міндетті кәсіптік зейнетақы жарналарын пайдалана алады. Егер де зейнетақы жинақтау сомасы сақтандыру ұйымымен жасалған зейнетақы аннуитеті шарты сомасынан жоғары болса, онда бұл айырмашылық БЖЗҚ салымшысына ай сайынғы зейнетақы төлемдері түрінде төленеді немесе салымшымен зейнетақы аннуитеті шарты бойынша сақтандыру сыйлықақысын және сақтандыру төлемдері мөлшерін ұлғайту бөлігінде қолданыстағы зейнетақы аннуитеті шартына өзгерістер енгізу үшін, немесе сақтандыру ұйымымен басқа зейнетақы аннуитеті шартын жасау қолданылады. ...

Подробнее