«МАК» ӨСК» АҚ еңбек қауіпсіздігі және қызметкерлерді сақтандыру арқылы қорғау мәселелері бойынша дөңгелек үстелге қатысты
Жарияланған күні: 2026-09-17
2026 жылғы 16 қыркүйекте Көкшетау қаласында Еңбек күніне орай «Еңбек адамы: қауіпсіз еңбек, лайықты жағдайлар және әлеуметтік әріптестік» тақырыбында дөңгелек үстел өтті. Іс-шараны «Ақмола облысының Кәсіподақтар Орталығы» аумақтық кәсіподақтар бірлестігі ұйымдастырды.
Іс-шараға мемлекеттік органдардың, кәсіподақтардың, жұмыс берушілер мен өңір кәсіпорындарының өкілдері қатысты. Талқылаудың негізгі тақырыптары еңбек қауіпсіздігі және еңбекті қорғау, еңбек құқықтарын қорғау, әлеуметтік әріптестікті дамыту, сондай-ақ қызметкерлердің әлеуметтік қорғалуын арттыру мәселелеріне арналды.
Дөңгелек үстелдің жеке бөлімі өндірістегі жазатайым оқиғалар және кәсіптік тәуекелдер кезінде қызметкерлерді сақтандыру арқылы қорғау мәселелеріне арналды. «МАК» ӨСК» АҚ Ақмола облысы бойынша филиалының директорының м.а. Нугербекова А.А. (бұған дейін – Омарова А.А.) қызметкерлерді әлеуметтік қорғау жүйесіндегі сақтандыру механизмдерінің рөлі туралы ақпарат ұсынды.
Сонымен қатар, қатысушылар Ақмола облысындағы еңбек қатынастары мен еңбекті қорғаудың жай-күйін, қауіпсіз әрі лайықты еңбек жағдайларын қамтамасыз етудегі жұмыс берушілердің рөлін, сондай-ақ кәсіпорындарда қауіпсіздік талаптарының сақталуына қоғамдық бақылау жүргізу тәжірибесін қарастырды.
«МАК»-ның осындай алаңдарға қатысуы кәсіптік тәуекелдердің алдын алу және азаматтарды сақтандыру арқылы қорғауды қамтамасыз ету мәселелері бойынша мемлекет, жұмыс берушілер және қызметкерлер өкілдері арасындағы өзара іс-қимылды дамытуға ықпал етеді.
