Ақмола облысында жұмыс берушілермен қызметкерлерді жазатайым оқиғалардан міндетті сақтандыру мәселелері талқыланды
2026 жылғы 5 қарашада «МАК» ӨСК» АҚ облыстық филиалының директоры мемлекеттік еңбек инспекторларымен бірлесіп Ақмола облысының Зеренді ауданына жұмыс сапарымен барды. Аудан әкімдігінің ғимаратында жергілікті жұмыс берушілермен ауқымды ақпараттық-түсіндіру жұмыстары жүргізілді.
Кездесудің басты тақырыбы қызметкерлерді еңбек (қызметтік) міндеттерін атқару кезінде жазатайым оқиғалардан міндетті сақтандыру шарттарын (ЖОМС) сөзсіз жасасу қажеттігі.
Отырыс барысында қатысушыларға заңнаманы сақтамағаны үшін жауапкершілік, сақтандыру шарттары, төлемдер тәртібі, сондай-ақ осы әлеуметтік қорғау тетігінің негізгі артықшылықтары туралы толық ақпарат берілді. Сарапшылар уақтылы ресімделген полис тек заңның міндетті талабы ғана емес, сонымен қатар қызметкерлерді қаржылық қорғаудың және бизнестің тұрақтылығының маңызды құралы екенін атап өтті.
Мұндай профилактикалық және ақпараттық іс-шаралар Қазақстан Республикасының заңнамасын мүлтіксіз сақтауға, қызметкерлердің заңды еңбек құқықтарын қорғауға, сондай-ақ өңірдегі өндірістік жарақаттану тәуекелдерін азайтуға бағытталған.
